What's Up

http://filcaspro.com/storage/whats-on/October2018/pZgl211cJkswEuAe6RTP.jpg

Bagitang si Charlie Dizon, Best Actress sa 2020 Metro Manila Film Festival

“Napakainosente naman pala talaga ni Charlie Dizon,” pahayag ng mataray na peryodistang pampelikula na si Danny T. Vibas. At ang paglalarawan o impresyon ni Danny sa bagitang aktres na si Charlie ay sapat na para sabihing bagay na bagay sa kanya ang papel ng isang patay na patay na tagahanga sa kanyang idolong artistang si Paulo Avelino. Ito rin ang nagbunsod sa mga hurado na siya ay idambana sa pagkaaktres.

Kaya naman iprinoklama si Charlie bilang Pinakamahusay na Aktres para sa pelikulang “Fan Girl” sa katatapos na gabi ng parangal ng 2020 Metro Manila Film Festival na pinaghalong pisikal at birtuwal sa New Frontier Theater sa Cubao noong Linggo ng gabi.

Ipinahayag naman ng lupon ng inampalan na si Paulo ang hiranging Pinakamahusay na Aktor para sa pareho ring obra maestro ni Antoinette Jadaone na siya namang itinanghal na Pinakamahusay na Direktor.

Pinakamahusay ring Pelikula ang “Fan Girl” na pinagsanibang likhain ng Black Sheep Productions, Project 8, Globe Studios at iba pa.

Samantala, si Shaina Magdayao ang napiling Pinakamahusay na Ikalawang Aktres para sa pelikulang “Tagpuan” at si Michael de Mesa naman ang Pinakamahusay na Ikalawang Aktor para sa pelikulang “Isa Pang Bahaghari.”

Narito ang iba pang nagwagi sa iba’t ibang kategorya sa nakaraang ika-46 MMFF:

Pangalawang Pinakamahusay na Pelikula—“The Boy Foretold by the Stars”

Pangatlong Pinakamahusay na Pelikula—“Tagpuan”

Pinakamahusay na Dulang Pampelikula—Antoinette Jadaone “Fan Girl”

FPJ Memorial Award—“Magikland”

Gatpuno Antonio J. Villegas Award—“Suarez, The Healing Priest”

Special Jury Prize—Peque Gallaga

Gender Sensitivity Award—“The Boy Foretold by the Stars”

Pinakamahusay na Sinematograpiya—Neil Daza “Fan Girl”

Pinakamahusay na Editing—Benjamin Tolentino “Fan Girl”

Pinakamahusay na Disenyong Pamproduksyon—Ericson Navarro “Magikland”

Pinakamahusay na Visual Effects—Richard Francia “Magikland”

Pinakamahusay na Theme Song—“The Boy Foretold by the Stars”

Pinakamahusay na Musical Score—Emerson Texon “Magikland”

Pinakamahusay na Student Film—“Paano Ba Magiging Babae?” De La Salle University of Saint Benilde

Pinakamahusay na Tunog—Vincent Villa “Fan Girl”


Photo Credit: Charlie Dizon at Paulo Avelino (Photo Credit: Charlie Dizon's Instagram)

Share this article